Aylanishlari nihoyatda g’aroyib bo’lgan juda turli ko’rinish va konstruktsiyadagi pildiroqlar mavjud. Biz ana shunday pildiroqlardan ikkitasini bayon qilamiz.

Birinchisi—oddiy pishgan tuxum. Tuxumning xomini pishganidan ularni aylantirib ko’rish yo’li bilan farqlash mumkin ekanligi hammaga ma’lum. Xom tuxumning ichki suyuq qatlamlari ishqalanishi tufayli, u aylantirilganda darhol to’xtaydi, qattiq qilib pishirilgan tuxum esa uzoqroq aylanishi mumkin. Agar bunday tuxumni silliq gorizontal sirtda kuchli aylantirib yuborilsa, tuxum vertikal holatga ko’tarilishi va sekinlashmaguncha shunday holatda aylanishi mumkin.